اغنية احمد مكى 25 يناير عن ثورة الغضب وميدان التحرير

اغنية احمد مكى 25 يناير عن ثورة الغضب وميدان التحرير




لتحيل الاغنية فقط اضغط هنا

كرامة المصرى تسوى عنده كتير نفسه يرجع كرامته والفساد يطير
شهر يناير يوم 25 اعظم تاريخ ثورة مصرية على مر السنين
شباب رفع راس مصر لفوق مش لابس طوق عاوز حقوقه الشرعية وطلبها بكل زوق
خدلك لفة ولفلف واتفرج فى ميدان التحرير هتلقا وشك ابتسم قلبك قرب يطير
شباب فهم معنى الوحدة اتحد عمل تغيير قيمة المصرى النهاردة بعد الثورة اكبر بكتير
متخفيش يا بلادى فى عز المحنة حمتينا احنا ولادك رجالة نحطك فوق روؤسنا وفى عنينا
جدى وجد جدى استشهدوا فيكى بيحموكى مش ممكن احفادهم يجيوا فى يوم ينسوكى ويرموكى
واقفين زى الاسود ايد واحدة لاجل يحرروكى فى منهم اللى استشهدوا وبدمهم فادوكى
شكرا لكل شاب قال رايه من غير ما يخاف راجل من ضهر راجل خلى العالم بص وشاف
طول ما فى فرقا وفتنة هضيع الحقوق شوف اول لما اتحددنا ايد واحدة بقينا gفوق
مسيحى مسلم مثقف امى غنى فقير كله ضموا كل كتوفهم فوق بعض اتحول زئير
حتى لو محققناش كل المطالب برضه كسبنا كفاية ان العالم كله عرف مين احنا
ماهى الرجولة والاخلاق متبنش الا فى المحنة كل البيوت بقت بيت واحد والله فرحنا
كرامة المصرى تسوى عنده كتير
مش عايز ذل وظلم واهانة عايز تقدير بلده عنده زى عرضه يخاف عليها يغير
نفسه يرجع كرامته والفساد يطير
بيطالب بالتغيير ايوة عايز تغيير صابر لكن لو انفرجت هكون سلاح خطير
كرامة المصرى تسوه عنده كتير
مش عايز ذل وظلم واهانة عايز تقدير بلده عنده زى عرضه يخاف عليها يغير
نفسه يرجع كرامته والفساد يطير
بيطالب بالتغيير ايوة عايز تغيير صابر لكن لو انفرجت هكون سلاح خطير
لو نزلت ميدان التحرير هتلقا دولة صغيرة جوه الدولة
دولة لو حد فيها خبط فيك هيقولك اسف ولو حد عايز يعدى هيقولك بعد اذنك
ولو حد عايز يشوف بطاقتك هيقولك معلش احنا مضطرين
تسمع كتير فيها كلمة حاسب علشان البنات تعدى مفيش فيها معاكسة ولا تحرش
لما المسيحى بيصلى المسلم بيحمى ضهره ولو المسلم بيصلى المسيحى بيحمى ضهره
هيا دى مصر اللى احنا عايزينها

twitter شارك هذه الصفحة :

شارك الصفحة في الفيس بوك
شارك الصفحة في صدي قوقل
شارك الصفحة في تويتر Twitter
تابعنا عبر خدمة الخلاصات RSS
تابع تعليقات المدونة عبر الـRSS

أضف بريدك للاشتراك بالقائمة البريدية

Delivered by FeedBurner